Шпанија преку Словенија во четвртфиналето на Светското ракометно првенство
Најдобрата ракометна репрезентација на Шпанија запиша нова победа на Мундијалот кој се одржува во Полска и Шведска. Денеска во второто коло од главната фаза шпанските ракометари триумфираа над Словенија со резултат 31:26.
На тој начин црвената „фурија“ прва го обезбеди пласманот во четвртфиналето, а како најсериозни кандидати влез меѓу најдобрите осум на СП се и Французите од групата „1“.
Најефикасни во денешната победа на Шпанците беа Одриозола со шест голови, а еден помалку забележа Д. Дујшебаев. За Словенците доминираше Доленец со седум погодоци.
Во групата „2“ Португалија ја оправда фаворитската улога против Зеленортските Острови (35:23) и остана во игра за пласман во четвртфиналето.
Ареја блескаше со девет голови победата, а на спротивната страна Пина шестпати се запиша во листата на стрелците.