ШОК ЗА „ЦРВЕНО-ЦРНИТЕ“, Вардар не доби лиценца за настап во ЛЕ – Слободен печат
СпортФудбал

ШОК ЗА „ЦРВЕНО-ЦРНИТЕ“, Вардар не доби лиценца за настап во ЛЕ

Најтрофејниот македонски тим не доби лиценца за настап во Лигата на Европа следната сезона, објави Комисијата за лиценцирање при ФФМ.

Вардар во престојната сезона нема да игра во квалификациите за Лигата на Европа откако Фудбалската федерација на Македонија ја одби жалбата на „црвено-црните“. Комисијата за лиценцирање ја одби жалбата на најтрофејниот македонски фудбалски клуб, како неоснована и донесе конечна одлука да му забрани на Вардар настап во квалификациите за настап во Лигата на Европа.

Вардар цела сезона има финансиски проблеми, а откако сопственикот Сергеј Самсоненко, најави повлекување од ракометниот колектив, запреа и исплатите и за фудбалерите. Токму нестабилната финансиска состојба во Вардар и долговите кон фудбалерите за неисплатени плати, се причината за недобивањето на лиценцата за настап во Европа. Минатата недела, првостепената комисија одби да му издаде лиценца Вардар, а откако беше вложена жалба, денеска комисијата донесе конечна одлука со која Вардар аз прв пат по 2014 година нема да игра во некој од европските купови.

Освен Вардар, без лиценца остана и екипата на Победа која следната сезона ќе игра во Втората лига. Преостанатите осум прволигашки екипи, Академија Пандев, Беласица, Македонија ЃП, Работнички, Ренова, Силекс Шкендија и Шкупи, добија лиценци.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close