Шампионот Шкендија со триумф го започна вториот дел од сезоната. Тетовчани со 1:2 славеа на гостувањето кај Академија Пандев во 19. коло и ја врати негативата од осум бода зад лидерот на табелата, Вардар.

Академија Пандев поведе уште во петтата минута со голот на Дејан Миловановиќ, но тоа беше се што стори домашниот тим.

Иницијативата ја презедоа фудбалерите на Шкендија, и веќе во 23. минута преку Арменд Алими го израмни резултатот. Победата и трите бода за Шкендија ги обезбеди Агим Ибраими со голот од пенал во 55. минута.

Со трите бода, тетовци се зацврстија на второто место со вкупно 38 бода, осум помалку од лидерот Вардар. Во следното коло, Шкендија му гостува на Силекс, додека Пандевци и гостуваат на Македонија ЃП.