Македонскиот шампион Шкендија вчера се израдува на првата победа во групната фаза од Конференциската лига, откако на драматичен начин го совлада ирскиот Шелбурн со автогол на гостите во 92. минута.

Тетовци со овој триумф не само што ги освоија првите бодови во елитното натпреварување, туку и заработија 400.000 евра, сума која УЕФА ја предвидува за секоја победа во групната фаза на Конференциската лига.

Фудбалерите на Јетон Беќири ја задржаа концентрацијата до самиот крај и со тоа си обезбедија голема радост на домашниот терен и надеж за подобар пласман во лигашкиот дел од третото по ранг натпреварување во Европа.

Треба да се потсетиме и дека Шкендија со самиот пласман во Конференциската разлика без разлика на исходот на натпреварите си обезбеди пет милиони евра.

Во следното коло, на 6 ноември со почеток од 21 часот, Шкендија ќе се соочи со полскиот претставник Јагелонија во обид да ја продолжи победничката серија на европската сцена.

Презеемено од: Спорт.ком.мк