Кинескиот онлајн трговец на мало „Шеин“ ја отвори својата прва физичка продавница во светот во Париз, среде протести и противење, бидејќи властите привремено ја суспендираа нејзината онлајн платформа поради продажба на секс кукли што личат на деца. Шеин ја отвори продавницата на шестиот кат од луксузната стоковна куќа BHV, иконска зграда што стои спроти Градското собрание на Париз од 1856 година.

Активистите за правата на децата одржаа протест во близина, наведувајќи „сомнителна принудна работа“, „загадување“ и „прекумерно производство“. Тие ги повикаа минувачите да потпишат петиција против присуството на „Шеин“ во париската стоковна куќа. „Заштитете ги децата, а не „Шеин“, пишуваше на еден транспарент.

Основан во Кина во 2012 година, а сега со седиште во Сингапур, „Шеин“ се соочи со критики поради условите за работа во своите фабрики и влијанието врз животната средина од неговата ултрабрза модна линија. Неговото доаѓање во Франција предизвика противење од политичарите, синдикатите и водечките модни брендови. Во последните денови, во Франција избувна нова контроверзност околу продажбата на секс кукли кои имаат големина и некои детали на деца, на онлајн платформата на „Шеин“.

Пред отворањето на продавницата, канцеларијата на парискиот обвинител објави дека отворила истрага против Shein, како и против конкурентите AliExpress, Temu и Wish, за продажба на секс кукли. Shein ја повлекува секс куклата со движења на деца од продажба. Портпарол на Shein во Франција ја припиша продажбата на куклите на „грешки во нашите процеси и управување“. Францускиот премиер Себастијан Лекорну објави дека француските власти ќе ја „суспендираат“ онлајн платформата Shein сè додека азискиот трговец на мало не ги почитува француските закони.

Кинескиот онлајн гигант Шеин под истрага, продавал секс кукли што личат на деца

– По наредба на премиерот, владата го започнува процесот на суспендирање на Shein за времето потребно платформата да им покаже на јавните власти дека целата нејзина содржина е во согласност со законите и прописите – соопшти канцеларијата на Лекорну, додавајќи дека министрите ќе го достават првиот извештај за напредокот во следните 48 часа.

Shein, кој според операторот на продавници BHV има 25 милиони клиенти во Франција, планира да отвори уште пет продавници во други француски градови како што се Дижон, Гренобл и Ремс- пренесе Каматица.