Кинескиот онлајн гигант Шеин под истрага, продавал секс кукли што личат на деца
Кинескиот онлајн гигант Shein е под истрага во Франција откако на неговата страница накратко се појавија секс кукли што личат на деца. Француската влада ѝ се закани на компанијата со целосна забрана на пазарот откако беше откриено дека се продаваат бебешки кукли. Министерот за економија Роланд Лескир изјави за телевизијата RMC дека „границата е очигледно премината“ и предупреди дека Shein ќе биде блокиран во Франција ако се случи сличен инцидент повторно.
Препорачано
Случајот е пријавен кај судските органи, а се најавени и официјални истраги.
Министерот за економија Роланд Лескир изјави за телевизијата RMC дека „границата е очигледно премината“ и „Тие ужасни предмети се нелегални“.
Шеин брзо одговори, наведувајќи дека спорните производи се веднаш отстранети од платформата и дека е започната внатрешна истрага.
– Ја сфаќаме оваа ситуација исклучително сериозно. Таквата содржина е целосно неприфатлива и спротивна на вредностите за кои се залагаме – изјави портпаролот Квентин Руфат преку мрежата X, додавајќи дека компанијата ќе преземе итни корективни мерки.
