Лидерот на шпанските конзервативци, Алберто Нуњез Феихо, денеска не успеа да обезбеди доволно гласови во Долниот дом за да стане премиер.

Феихо, чија Народна партија освои најмногу места на изборите во јули, не успеа да убеди доволно пратеници од другите партии да го поддржат да освои апсолутно мнозинство.

Феихо доби 172 гласа „за“, 178 против и ниту еден воздржан.

Шпанскиот закон му дозволува да се обиде повторно во петок, кога просто мнозинство би било доволно за да стане премиер.

Неговата партија освои најмногу гласови и претставници на предвремените избори на 23 јули, пред социјалистите (ПСОЕ) на премиерот Педро Санчез.

Бидејќи ниту една партија не добила доволно поддршка од другите партии за да формира мнозинство за владеење, кралот Филип Шести одлучи дека на релативниот победник на изборите ќе му биде дозволено прво да се обиде да формира влада.

Тензичниот телевизиски дуел перфектно ги отслика престојните избори во Шпанија

Шпанија пред избори: И гласините за измама се адут во кампањата