Сетилни сензации: Сладолед од боровинки
Кон средината на летото веќе ни се дегустирани повеќето сладоледи. Некои стануваат фаворити, други само механизам за разладување, а трети пак заборавени од сетилата и неимпресивни. Ако сте расположени за нешто што ќе ви ја разбуди устата, ем телото, ем ќе ве израдува и потсети на убавата страна на летото, а не само на горештини, пробајте го овој сладолед од боровинки.
Потребни состојки:
– 250 г боровинки
– 250 мл павлака
– 250 мл слатка павлака
– 150 г шеќер
– сок од лимон
Подготовка:
Измиените боровинки посипете ги со шеќер и оставете ги да стојат некое време за да го ослободат сокот. Изматете ја слатката павлака и ставете ја во фрижидер. Во блендер испасирајте ги боровинките во мека смеса, па префрлете ги во подлабок сад. Додајте го сокот од лимон и павлаката, па мешајте да се формира хомогена смеса. На крај, додајте ја изматената слатка павлака, внимавајќи масата да биде компактна. Прелејте ја смесата во калапи за сладолед и оставете ги кратко во фрижидер, потоа извадете ги и во секој калап ставете по едно стапче, па вратете ги во фрижидер да се смрзнат целосно.
На здравје!