Вчера во Куманово биле пријавени три одделни случаи на насилство меѓу деца во основни училишта во градот и околината.

Првиот случај бил пријавен во 14:09 часот од страна на 31-годишната А.С., која навела дека во училишниот двор на основно училиште во селото Долно Којнаре, нејзиниот син бил физички нападнат од друг малолетник.

Претходно, во 12:45 часот, 33-годишната М.С. од селото Доброшане пријавила дека на 27 февруари, околу 13:30 часот, во основно училиште во Куманово, нејзината малолетна ќерка била физички нападната од повеќе соученици.

Во трет случај, 35-годишна жена од кумановско пријавила дека нејзиниот 12-годишен син подолг период бил малтретиран од соученик. Според пријавата, ученикот бил навредуван и исмејуван, а во еден случај бил поттикнуван да скокне од прозорец во училницата. Мајката навела дека син ѝ го информирал училишниот педагог, но не биле преземени мерки ниту пак таа била известена.

Момчето било прегледано во кумановската болница и во Комплексот клиники „Мајка Тереза“, по што било примено на Клиниката за психијатрија.

ВИДЕО | Голем пожар во ресторан во Штип, пожарникари и навивачи заедно го гаснеле огнот