Серија А: Рома го чека Пандев, Несторовски домаќин на Милан – Слободен печат
СпортФудбал

Серија А: Рома го чека Пандев, Несторовски домаќин на Милан

Денеска беа извлечени двојките од првото коло во најсилното италијанско фудбалско првенство (Серија А) кое за нас исто така ќе биде уште поинтересно.

Во новата сезона ќе имаме вкупно тројца Македонци (барем засега, доколку Александар Трајковски не направи трансфер летово во Серија А).

Стандардниот Горан Пандев, играчот на Џенова, летово Елиф Елмас го засили вицешампионот Наполи, а Илија Несторовски потпиша за Удинезе.

Елмас со Наполи гостува кај Фиорентина, Пандев со Џенова оди кај Рома, а Несторовски со Удинезе е домаќин на Милан.

ЦЕЛИОТ РАСПОРЕД ЗА СЕЗОНАТА 2019/2020 ВО ИТАЛИЈАНСКАТА СЕРИЈА А МОЖЕТЕ ДА ГО ПОГЛЕДНЕТЕ ТУКА

Бранителот на трофејот, составот на Јувентус ќе има незгодно гостување на стартот кај Парма.

Серија А, 2019/20

1. коло, двојки:

Каљари-Бреша
Фиорентина-Наполи
Верона-Болоња
Интер-Лече
Парма-Јувентус
Рома-Џенова
Сампдорија-Лацио
Спал-Аталанта
Торино-Сасуоло
Удинезе-Милан

Веќе во второто коло (1 септември 2019) ќе го имаме најголемото дерби, Јувентус пред своите навивачи ќе игра против Наполи, а внимание ќе привлече и градската римска пресметка меѓу Лацио и Рома.

Сезоната официјално ќе започне на 24/25 август 2019 година, а ќе заврши на 24 мај 2020 година.

Три кола ќе се играат в среда, поточно на 25 септември 2019, 30 октомври 2019 и 22 април 2020.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close