Пропуштените бодови во изминатите две кола во италијанскиот шампионат може скапо да ги чинат фудбалерите на Милан во трката за титулата.

По ремито (1:1) дома против Џенова во минатото коло, денеска играчите на Масимилијано Алегри одиграа ист резултат против уште еден тим кој сезонава се бори за опстанок во елитата, Фиорентина.

На табелата во Серија А „росонерите“ по седмото реми сезонава се на второто место со 40 бодови, два помалку од водечкиот Интер кој својот меч од ова коло ќе го има вечерва во дербито против Наполи на македонскиот репрезентативец Елиф Елмас.

Пред крајот на првото полувреме тренерот на Фиорентина, П. Ваноли доби црвен картон по бурните реакции кон судиите.

„Виолетовите“ водеа од 66 минута со голот на Камуцо, а Милан дојде до бодот во 90 минута благодарение на голот на Нкунку.