Сер Алекс Фергусон се врати со нова функција во Манчестер јунајтед
Англиските медиуми носат ексклузивни новости. По девет години Сер Алекс Фергусон се враќа во Манчестер јунајтед, клубот каде што стана еден од најголемите тренери во историјата на фудбалот. Славниот Шкотланѓанец ќе има сосема нова, советничка улога на „Олд Трафорд“.
Имено, извршниот претседател на клубот, Ричард Арнолд, решил да состави своевиден совет од експерти кои со оглед на своето искуство ќе помогнат во креирањето на спортската политика на клубот и ќе го водат неговиот развој.
Досега, покрај Фергусон, членови на таа комисија се и поранешниот менаџер Дејвид Гил, иконскиот капитен Брајан Робсон и сегашниот директор на фудбалот Џон Муртоу.
Првата средба на споменатата петорка се одржа во вторник. Иако Фергус и Гил формално останаа членови на управниот одбор на клубот во советодавна улога, таа улога беше симболична по природа поради нивната важност за „црвените ѓаволи“.
Во новата улога, неговите задачи ќе бидат поактивни, пишува „Дејли Мејл“. Стручниот совет ќе се грижи за односот на клубот со навивачите и имиџот и ќе се обиде да помогне со совети околу создавањето на тимот на англискиот великан.
🔴 𝐎𝐅𝐅𝐈𝐂𝐈𝐀𝐋! Sir Alex Ferguson is back at Manchester United! 🔙
He has been given a formal role in helping with all aspects of the club alongside David Gill and Bryan Robson. 🤝
✍️ @ChrisWheelerDM pic.twitter.com/3edqs2QcQs
— Football Tweet ⚽ (@Football__Tweet) July 29, 2022