Когнитивните нарушувања по прележаниот ковид-19 се забележани кај речиси секое трето дете, и тоа еден до три месеци по завршувањето на болеста, изјави специјалистот по педијатрија по превентивна медицина при руското Министерство за здравство, Лејла Намазова-Баранова.

– По закрепнувањето 4 до 12 недели подоцна, меѓу другото, остануваат и когнитивните постковидни нарушувања кај децата. Станува збор за 30 отсто, односно за секое трето дете. Губењето на сетилото за мирис укажува на невротропија, што значи дека коронавирусот влијае на централниот нервен систем. Вака се однесува овој вирус. Затоа, невротропскиот ефект е нешто подолг и овие бројки воопшто не се изненадувачки – рекла Намазова-Баранова на прес-конференцијата посветена на здравјето на мајките и децата за време на пандемијата, пренесе ТАСС.

Таа додала дека според набљудувањата спроведени во текот на летото, кај многу луѓе таквите промени останале дури и по една година.