Решението за довршување на зградите на Факултетот за информатички науки и компјутерско инженерство (ФИНКИ) и Факултетот за физичка култура (ФФК) во близина на Ректоратот на Универзитетот Св. Кирил и Методиј (ФИНКИ), кои повеќе од десет години стојат недоградени на кампусот на универзитетот „Св. Кирил и Методиј“, е во „напредна фаза“, откри на денешниот брифинг со новинарите министерката за образование и наука Весна Јаневска.

Уште пред една година, од Владата најавија дека ќе почнат да се доградуваат двете згради, чија изградба запре кога во стечај отиде компанијата-изведувач, „Бетон-Штип“.

Најавите од лани дека двете згради нема да се завршат со барокна фасада, како што беше првично планирано, денес ги потврди министерката Јаневска, откривајќи нов детаљ – зградите ќе бидат поврзани со мост.

Таа рече дека е формирана работна група во која учестуваат експерти од Машинскиот, Електротехничкиот, Градежниот, Архитектонскиот факултет и Институтот за земјотресно инженерство и сеизмологија (ИЗИИС).

„Направена е анализа и следната недела ќе биде објавен тендер за репроектирање. Кога ќе биде готов, ќе има оглас за изведувач на градежните работи“, рече министерката Јаневска.