Се затвора сендвичарницата „Седмица“ кај Грчката амбасада
По речиси четири децении, се затвора добро познатата скопска сендвичарница „Седмица“ кај Грчката амбасада.
Препорачано
-
1
-
2
-
3
Веста се прошири преку социјалните мрежи, каде граѓани споделуваат спомени и емоции поврзани со местото што ќе остане запаметено по својот препознатлив хамбургер со помфрит и по специфичниот мајонез со кари.
„Со сите свои подеми и падови, и покрај новите „фенси“ бургери на шест спрата и поткровје, успеа да го задржи местото кај љубителите на вистинскиот хамбургер низ неколку генерации. Денес го изедов последниот хамбургер таму“, пишува еден скопјанец во објава на мрежите.
Инаку, пред една недела беше објавено дека трите локали на најпознатата скопска сендвичарница, „Седмица“, лани направиле вкупен промет од 5,3 милиони евра, а 99 проценти од него биле од продажба на готови производи. Компанијата секоја година бележи раст на приходите и на профитот.
Скопска сендвичарница лани направила промет од 5,3 милиони евра
