Се исплати да бидеш најскап -„Белград на вода“ ќе подели 10 милиони евра дивиденда
Компанијата Белград на вода денеска соопшти дека од добивката во 2022 година ќе исплати дивиденда во вредност од 10 милиони евра во износ од 56,4 милиони евра. Дел од дивидендите ќе бидат уплатени во буџетот на Србија, но не се прецизира износот, додека останатиот дел од нето добивката ќе биде вложен во натамошниот развој на станбено-деловниот комплекс за изградба на проектот „Белград на вода“. Во соопштението се посочува дека минатата година, во која приходите биле 269,6 милиони евра, била „најуспешна во досегашното работење на компанијата“ чии сопственици се државата Србија со удел од 32 отсто и компанијата Белград Вотерфронт Капитал Инвестмент од Обединетите Арапски Емирати, кои имаат 68 отсто од сопственоста, објави Нова рс. Компанијата „Белград на вода“ во 2021 година имала приходи од 185 милиони евра и нето добивка од 29,5 милиони евра, врз основа на кои биле исплатени дивиденди во вредност од 10 милиони евра, а третина од таа сума била уплатена во државниот буџет. Проектот „Белград на вода“ е еден од најконтроверзните во поновата историја на главниот град.