Савевски: Изгоревме на претходните натпревари, ја преземам вината и одговорноста за поразот од Германија
Селекторот на женската ракометна репрезентација на Македонија до 18 година, Љубомир Савевски, ја презеде вината за денешниот пораз од Германија од 34:21 на Светското првенство што се игра во Скопје.
Ракометарките по поразот од Исланд во петокот, денеска не го пружија максимумот, а и заморот од претходните натпревари си го направи своето и избраничките на Савевски утре ќе играат против Хрватска за 11 позиција на СП.
– Јас ја преземам вината и одговорноста за денешниот пораз и начинот на кој ја одигравме оваа средба. Изгоревме на претходните натпревари, премногу се истрошивме и денеска не бевме на потребното ниво. Премногу го посакувавме пласманот во четвртфинлето и игравме само на таа карта. Ризикував, малку играчи го носеа товарот, но тоа беше цената што бев спремен да ја платам за пласман во четвртфиналето. Штета, не успеавме. Истрошивме премногу сила и енергија за тој пласман и денеска тоа ни се одрази во играта – изјави Савевски.