Матео Кесиќ, младата македонска фудбалска надеж, со своите игри го привлече вниманието на клуб од италијанската Серија А.

Станува збор за талентиран дефанзивец кој би можел наскоро да се пресели во Италија.

Нашиот млад репрезентативец не се појави на денешниот собир на српскиот клуб Јединство УБ од едноставна причина што тој отиде на проба во Сасуоло.

Матео Кесиќ пристигна во УБ минатото лето од Бродарац, а претходно својот фудбалски пат го трасираше играјќи за Брера од Струмица, каде што се бореше за статус на репрезентативец на Македонија и, преку игрите во кадетската, а подоцна и во младинската селекција, го заработи епитетот фудбалски бисер во нашата земја.

Кесиќ, кој ќе наполни 18 години на 4 февруари, запиша 14 натпревари, што очигледно беше доволно за да привлече внимание кон себе.