Саша Обрадовиќ веќе не е тренер на Црвена звезда
Црвена звезда донесе одлука да ја прекине соработката со тренерот Саша Обрадовиќ по елиминацијата од Партизан во полуфиналето на АБА лигата.
Препорачано
Според српските медиуми, иницијативата за смена на Обрадовиќ започнала по силниот притисок од навивачите, а раководството на клубот на утрински состанок го потврдило неговото заминување. Како главни причини се посочуваат разочарувачкото 10. место во Евролигата, како и новиот неуспех во регионалното натпреварување, каде тимот остави впечаток на недоволно компактна екипа.
Обрадовиќ седна на клупата на „црвено-белите“ во ноември, кога го наследи Јанис Сферопулос. Неговиот почеток беше ветувачки, Звезда врза седум победи по ред, се вклучи во битката за врвот во Евролигата, а се споменуваше дури и можен пласман на „фајнал-фор“. Во меѓувреме беше освоен и Купот, но во завршницата формата на тимот драстично опадна.
Со ова, Црвена звезда сезоната ќе ја заврши со трет тренер на клупата, а засега како привремено решение најсериозно се споменува Милан Томиќ.
ВИДЕО | Партизан и вторпат ја победи Црвена звезда за финале во АБА лигата
