Селекцијата на Португалија со вчерашната победа над Македонија од 2:0 во финалниот бараж натпревар, обезбеди пласман на Светското првенство во Катар, а селекторот Фернандо Сантош најави дека на Мундијалот ќе се обиде да го исполни сонот, да стане светски шампион.

– Единствениот сон што сега го имам е да победам на третото натреварување со репрезентацијата. Досега освоив две, а сега сонувам за триумф на Мундијалот во Катар –изјави Сантош.

Според селекторот, дуелот со Македонија поминал полесно за неговите фудбалери отколку што очекувал и сосема заслужено победиле.

– Тоа беше чиста и заслужена победа. Не видов некоја сериозна акција и шанса на Македонија. Со пласманот на Светското првенство направивме среќни 11 милиони Португалци – додаде Сантош.