Сања Барбика конечно влезе во студио, подготвува нов хит со Џамбо Агушев! (ФОТО)
Пејачката Сања Цинцева или како што многумина ја знаат, Сања Барбика , после подолга музичка пауза деновиве влезе во студио.
Имено, убавата струмичанка наскоро ќе ја изненади публиката со нов хит, а темата е снимена во студио кај Дејан Момировски.
Сања на социјалните мрежи објави неколку фотографии преку кои откри како минува снимањето, а друштво во песната и прави и маестралниот Џамбо Агушев со кој Сања е добра пријателка долги години наназад.
Текстот на песната го потпишува хит мејкерот Борче Нечовски, а пејачката накусо ни откри дека за фановите подготвува големо изненадување, но не сакаше да открива дополнителни детали.
– Со добар тим успехот е неизбежен, а за успехот многу наскоро ќе слушнете. Џамбо и Барбика – Хит мејкери – напиша пејачката под заедичката фотографија од тимот на „Инстаграм“.
Инаку, пејачката е доста актуелна и во соседна Србија каде имаше низа гостувања, а сними и неколку песни на српски јазик кои поминаа одлично.