Во Македонија можеби „Е-спортот“ не е толку популарен, но тоа е променето барем овие денови откако Македонецот, Мартин Саздов познат како „Сакса“ со својот тим Тундра стана светски шампион во Дота 2.

„Сакса“ деновиве и тоа како е популарен во македонската јавност, меѓутоа пред пет месеци во интервју за специјализираниот сајт „гоусгејмерс“ и самиот зборуваше дека Е-спортот се уште не е толку популарен во нашата земја, посебно не Дота 2.

Pew pew, half a dirty dozen are riding into town ??

Oliver “The Skeeter” Lepko
Leon “Nine Shot” Kirilin
Neta “3 for 3” Shapira
Martin “The Stacks” Sazdov
Wu “The King” Jingjun
Kurtis “I.O.U” Ling

Don’t bring a Falcon Blade to a team fight ?? pic.twitter.com/86dgzeGKAX

— TUNDRA (@TundraEsports) August 3, 2022

Интервјуто „Сакса“ го даде после турнирот во Стокхолм каде што неговиот тим заврши како третопласиран. Според него во Македонија Дота 2 е популарна само помеѓу момците од 20 до 35 години.

„Е-спортот генерално не е премногу популарен во Македонија, Дота 2 претежно играат момците од 20 до 35 години, многу малку е застапена кај новите генерации. Некои луѓе од време на време ме препознаваат, но мислам дека е само поради тоа што сум единствениот играч од Македонија кој игра на големи турнири во овој месец“, изјави Мартин пред пет месеци.

Кратко „Сакса“ откри и што сака да прави во слободно време.

„Гледам цртани филмови, сакам да одам на прошетки и да поминувам време со семејството, пријателите и девојката“, кратко одговори.

Целото интервју на Мартин можете да го прочитате – ТУКА.