Американскиот Стејт департмент вчера објави воведување санкции врз пет личности во Европа кои поддржуваат построги регулативи за дигитални услуги. Санкциите вклучуваат забрана за влез, престој и каква било активност во САД, предводена од поранешниот француски комесар Тиери Бретон. Стејт департментот ја оправда одлуката велејќи дека постапките на овие лица имаат за цел да наметнат „цензура“ против американските интереси, пренесува Си-ен-ен.

Другите четири лица кои се санкционирани се раководители на невладини организации кои се борат против дезинформациите и говорот на омраза на интернет: Имран Ахмед, Клер Мелфорд, Ана-Лена фон Ходенберг, основач на германската „ХејтЕид“ и Џозефин Балон, извршен директор на истата невладина организација.

Санкциите се воведуваат како одмазда за напорите во Европа за заострување на регулативите за дигиталните платформи, што американската влада го смета за „цензура“. Поранешниот француски комесар Тиери Бретон, кој раководи со европската регулатива, е меѓу оние што се цел на новите санкции.

Според Марко Рубио, европските напори имаат за цел да ги „казнат“ американските дигитални платформи и да отстранат содржини со кои европските претставници не се согласуваат.

For far too long, ideologues in Europe have led organized efforts to coerce American platforms to punish American viewpoints they oppose. The Trump Administration will no longer tolerate these egregious acts of extraterritorial censorship.

Today, @StateDept will take steps to…

— Secretary Marco Rubio (@SecRubio) December 23, 2025

„Предолго време, идеолозите во Европа спроведуваат координирани напори да ги принудат американските (дигитални) платформи да ги казнуваат американските ставови на кои се спротивставуваат“, изјави портпаролот на американскиот Стејт департмент, Марко Рубио, преку Икс.

„Администрацијата на Трамп повеќе нема да толерира вакви очигледни акти на офшор цензура“, додаде тој.

Реакцијата на Тиери Бретон

Тиери Бретон, кој беше комесар за внатрешен пазар на ЕУ од 2019 до 2024 година, одговори на санкциите со остри критики, велејќи дека во САД „дува Макартиев ветер“. Осврнувајќи се на периодот на антикомунистички лов на вештерки од страна на сенаторот Џозеф Макарти во 1950-тите, Бретон напиша на Твитер: „Дува повторно Макартиев ветер?“

Un vent de maccarthysme souffle-t-il à nouveau ? 🧹

Pour rappel : 90 % du Parlement européen — démocratiquement élu — et les 27 États membres à l’unanimité ont voté le DSA 🇪🇺

À nos amis américains : « La censure n’est pas là où vous le pensez. »

— Thierry Breton (@ThierryBreton) December 23, 2025

Бретон потсети дека 90% од Европскиот парламент и 27-те земји членки на ЕУ едногласно гласале за регулативата DSA за дигиталните услуги и нагласи дека „цензурата не е таму каде што мислите“, обраќајќи им се на своите „американски пријатели“.

Француската влада остро ги осуди санкциите, нарекувајќи ги „неприфатливи“ и „спротивни на слободата на изразување“. Европската Унија разви еден од најмоќните правни арсенали за регулирање на секторот за дигитални услуги, што се чини дека ја загрижува американската влада.

Случајот ги истакнува тензиите меѓу САД и ЕУ околу регулирањето на интернетот и слободата на говорот, при што секоја страна ја обвинува другата за обиди за цензура и ограничување на слободата на изразување.