Сѐ е подготвено, се чекаат младенците: Саша Богдановиќ и Јелена ќе се венчаат во Грачаница (ФОТО)
Градоначалникот на Центар Саша Богдановиќ и неговата избраничка Јелена Брауновиќ попладнево ќе се венчаат во манастирот „Успение на Пресвета Богородица“ во Грачаница.
На црковната церемонија во најстарото српско светилиште на Косово ќе присуствуваа членовите на потесното семејстово на младенците, како и нивните кумови и старосватови. Досега се пристигнати околу 15 гости, се чекаат младенците да пристигнат од Скопје.
Во дворот на Манастирот ги пречека „витезот од Грачаница“ кој е од витешкиот ред Црвен змеј кој датира од времето на српскиот крал Милутин кој е ктитор на светилиштето изградено во времето на неговото владеење, односно во 1321 година.
Младенците го одбраа токму овој манастир поради нивното потекло, односно српското на Богдановиќ и црногорското на Јелена, поради тоа што во Скопје не можеле да склопат црковен брак поради проблемот со непризнаената МПЦ-ОА од страна на Српската православна црква. Ова за Слободен печат го изјавија членовите на семејството на невестата.
Предвидено е, церемонијата на венчавање во манастирот да ја води отец Иларион од Рашко-призренската епархија.