Руските граѓани во Белград на претседателските избори најмногу гласале за против кандидатот на Путин
Прелиминарните резултати од претседателските избори во Русија покажале дека мнозинството Руси во Белград гласале против Владимир Путин, а за неговиот противкандидат Владислав Даванков гласале дури 67 отсто од руските граѓани во Србија.
Изборите во Русија завршиле по неколкудневно гласање, но победникот бил однапред познат. Владимир Путин освои околу 87 отсто од гласовите и си обезбедил нов шестгодишен мандат.
Владимир Путин ке остане претседател на Русија до 2030 година, а измените на законот кои самиот ги протурка му дозволуваат да биде на власт дури до 2036 година.
Како што пишуваат медиумите , изборниот ден бил доста бурен. Беспилотните летала, за кои се верувало дека се лансирани од Украина, нападнале неколку руски градови, вклучително и Москва.
Имало жртви и повредени, а гласањето за првпат се одвивало во текот на неколку дена затоа што било организирано и на окупираната територија на Украина.
Кога станува збор за противниците на Путин, Николај Харитонов има 4,6 отсто, кандидатот на Партијата на „Новиот народ“ Владислав Даванков 4,2 отсто, додека претседателот на Либерално-демократската партија на Русија, Леонид Слуцки освоил три отсто од гласовите. Сепак, руските граѓани во Белград најмногу гласаа за Владислав Даванков.