Руни има свој фаворит на Евро 2020, а тоа не е Англија: Тие се без конкуренција
Поранешниот капитен на англиската репрезентација, Вејн Руни, нема дилеми околу главниот фаворит на претстојното ЕП на кое за прв пат ќе учествува и Македонија.
– Франција е без конкуренција најголем фаворит за триумф. Тие се најдобри и индивидуално и како тим. Мбапе, Канте, Бензема, Гризман, Погба, Варан, Лорис…. да се смрзнете кога ќе ги прочитате тие имиња. На тоа доколку додадете дека се актуелни светски шампиони, јасно ви е дека тешко може да ги загрозите – вели Руни.
Франција се наоѓа во групата Д која веднаш го доби епитетот на „група на смртта“ бидејќи во неа се наоѓаат дури три селекции кои биле европски шампиони. Покрај Франција, тука се и Германија како и бранителот на трофејот Португалија, додека вистински аутсајдер е Унгарија.
– Имаат толку многу ѕбезди и никој не размислува на начин „“јас мора да се прославам“. Силни се како тим и тоа е заслуга на селекторот Дидие Дешан. Од оваа перспектива не гледам екипа која може да ги победи – додава Руни.
Според менаџерот на Дерби Каунти, селекцијата на Англија е во вториот круг на фаворити.
– Англија има одличен тим, ние во рангот на Португалија и Белгија. Можеме далеку да стигнеме, но повторувам дека најголеми шанси има Франција.