Романскиот претседател Никошур Дан изјави дека Романија размислува да го протера рускиот амбасадор во Букурешт доколку продолжат инцидентите како оној со рускиот дрон што се урна во станбена зграда во Галац. Тој во интервју за Би-би-си, рече дека ова е најдрастичната мерка што Романија имала намера да ја преземе.

„Досега, да. Во последните години имаше помеѓу 20 и 30 дронови што не носеа експлозивно полнење. Минатиот месец имавме уште едно беспилотно летало со експлозивно полнење, кое за среќа не експлодираше. Ова веќе стана опасност за романските граѓани“, рече Дан.

Русија психолошки ги тероризира балтичките држави

Тој нагласи дека кога руските сили напаѓаат градови на украинската страна од Дунав, тие мора да се осигурат дека нема да ги загрозат романските граѓани.

„Ова е предупредување до руската страна и се надевам дека ваквите инциденти ќе престанат. Ако тоа не се случи, имаме други мерки што можеме да ги преземеме против нив“, додаде Дан.

На прашањето какви ќе бидат тие мерки, претседателот одговори: „На пример, протерување на амбасадорот. Постои дипломатска хиерархија на дејствија.“

Дронот изгледа бил погоден во Украина, ја сменил насоката, па се урнал во Романија, вели претседателот Дан