Првиот сет беше мачење, вториот брилијантен, а третиот рутина за Новак Ѓоковиќ кој го совлада Мартон Фучович со 3:0 (7:6, 6:0, 6:3) и се пласираше во третото коло на „Ролан Гарос“.

Српскиот тенисер не брилјираше на стартот од мечот, иако направи „брејк“ и поведе со 3:0. Фучович се закани, пропушти можност да му го одземе сервисот на ривалот и на крајот во деветтиот гем ја реализира деветтата „брејк“ топка, намали на 5:4, а потоа израмни (5:5).

Потоа првиот сет отиде во тај-брејк во кој Ѓоковиќ беше посигурен, па по 87 минути поведе – 1:0. Во вториот сет Фучович како „исчезна“ од теренот. Ѓоковиќ доминираше, победи со 6:0 и ја удвои предноста во сетови.

Српскиот тенисер продолжи со добра игра и во третиот сет, правејќи „брејк“ и поведе од 1:0. Сепак, веќе во следниот одговори Унгарецот, израмни (1:1), а потоа и поведе (2:1).

Ѓоковиќ врза четири гема, поведе со 5:2, Фучович успеа да направи нов „брејк“, ја намали негативата (5:3), но не можеше повеќе од тоа.

Третиот светски рекет за пласман во осминафиналето на грен слем турнирот во Париз ќе игра против Алехандро Давидович-Фокина од Шпанија кој беше подобар од Французинот Лука Ван Аш со 6:4, 6:3 и 7:6 (6).

ВИДЕО: Елиминиран Вавринка, Алкараз во третото коло на „Ролан Гарос“