Музичката група „Тотално опуштање“ на 28 јануари во бифето на киното „Фросина“ во МКЦ концертно ќе го промовира албумот „Летечки булдожер“. Албумот е објавен на 2 декември 2022 година.

Албумот е снимен во „Студио кај Трајче“ со аранжмани на „Тотално опуштање“, а по текст и музика на Марјан Китановски, освен за нумерата „Процес без дијагноза“, каде текстот е на поетесата Снежана Стојчевска.

Во „Тотално опуштање“ свират и пеат Марјан Китановски Мац – гитара и вокал, Ристо Јанковски Љак – тапани, Владимир Стојчевски – бас, Златко Андоновски Голди – гитара и Дарко Поповски Блуз – клавијатури на „Процес без дијагноза“. Специјални гости на концертот се „Голем одмор“.

(Текстот е објавен во „Културен печат“ број 164, во печатеното издание на весникот „Слободен печат“ на 28-29 јануари 2023)