Родриго верен на „кралевите“ до јуни 2028 година
Нов договор е потпишан на „Сантјаго Бернабеу“, Родриго официјално ја продолжи соработката со Реал Мадрид која ќе трае до јуни 2028 година.
После Бразилецот Винисиус Жуниор, и неговиот сонародник останува верен на „кралевите“, неговиот претходен договор важеше до 2025 година.
Родриго е член на Реал од 2019 година, а оттогаш има вкупно 179 настапи со 39 голови и осум трофеи, по два во „Ла Лига“ и шпанскиот Суперкуп, и по еден во Лигата на шампионите, Светското клупско првенство, УЕФА Суперкупот и Кралскиот куп.
Сезонава постигна еден гол против Брага во ЛШ, составот на Карло Анчелоти моментно во првенството е првопласиран со 28 бодови, колку што има и Жирона, следуваат Атлетико Мадрид (25) и Барселона (24).
Пред да се пресели во Шпанија Родриго ги бранеше боите на Сантош (2017-2019).
✍️ #Rodrygo2028 pic.twitter.com/bV33LDQwuV
— Real Madrid C.F. (@realmadrid) November 2, 2023