Ракометниот клуб Војводина се огласи по контроверзните одлуки во финалето на плејофот против Партизан и одлуката титулата да му се додели на белградскиот клуб по прекинот на натпреварот.

Војводина го загуби првиот натпревар во Белград со 33:27. Во вториот финален натпревар, Војводина водеше со 6:5, кога натпреварот беше прекинат во 14. минута поради навивачите на Партизан.

ВИДЕО | Партизан по скандал и прекин во вториот натпревар ја одбрани титулата во Србија

Ракометниот клуб Војводина истакнува дека навивачите на Партизан двапати го прекинале натпреварот, а дека топовски удар ги повредил играчот Фран Милеа и судијата.

– Заштитниот кабел на мрежата зад голот каде што беа навивачите на Партизан беше искинат. Дури и по повеќе од еден час прекин, полицијата не го расчисти просторот со навивачите на Партизан, туку дозволи натпреварот да продолжат – соопшти ракометниот клуб Војводина.

Тие додадоа дека делегатот одлучи мечот да продолжи под непроменети околности во рок од 15 минути.

– Играчите на Партизан излегоа на теренот, додека играчите на Војводина, поради недостаток на гаранции за безбедност за здравјето и животот на учесниците во спортскиот настан, не излегоа на теренот. Судиите прогласија крај на натпреварот и победа на Партизан со службен резултат. Во моментот на прекинот, Војводина водеше со 6:5 во 14 минута – изјави клубот.

Воша, исто така, сподели видео од топовскиот удар, прашувајќи: „Доколку навивачите на Војводина беа во салата, дали салата ќе беше испразнета и со тоа ќе се обезбедат услови за продолжување на натпреварот?“

Аркус лигата издаде кратко соопштение во кое тврди дека играчите и стручниот штаб на Војводина одбиле да го продолжат натпреварот откако биле отстранети безбедносните пречки.

– По спроведувањето на постапката, директорот на АРКУС лигата ќе донесе соодветни одлуки – се наведува во соопштението.