Раководството на ракометниот клуб Тинекс Пролет приреди убав гест пред почетокот на дуелот со Струга, со пригодни подароци испраќајќи ги во играчка пензија доскорешните играчи на клубот, Доне Мајнов и Златко Даскалоски.

Мајнов повеќе од една деценија ги бранеше боите на Тинекс Пролет, а од почетокот на оваа 2026 година ја
извршува функцијата шеф на стручниот штаб.

Даскалоски, кој во кариерата бранеше за бројни македонски клубови и воедно поранешен македонски репрезентативец, ги помина последните 18 месеци во Тинекс Пролет.

Во договор со управата Даскалоски остана во клубот, како тренер на голманите во првата екипа, но и за работа со чуварите на мрежата во младинските тимови на Тинекс Пролет.

Подароците беа врачени од долгогодишниот претседател на РК Тинекс Пролет, Душко Кадиевски, како и поомшниот тренер Петар Тотиќ, кој исто така долги години е дел од спортскиот колектив на клубот.