Како што се шпекулираше изминативе денови, македонскиот дефанзивец Јован Манев ја продолжува својата кариера во српската елитна лига, каде што од оваа сезона ќе ги брани боите на Нови Пазар.

Српскиот прволигаш активно работи на зацврстување на своите редови со цел да се етаблира како стабилен учесник во најсилното натпреварување, а од Манев се очекува да биде клучна фигура во одбраната.

Македонскиот репрезентативец пристигнува во Нови Пазар од хрватскиот прволигаш Ријека, каде што ја мина минатата сезона, а ова ќе му биде прво искуство во српскиот фудбал.

Манев има искуство и од турската Суперлига, каде го носеше дресот на Адана Демиспор, додека фудбалската афирмација ја стекна на домашен терен преку настапите за Брегалница и Осогово.

Договорот со Нови Пазар е на позајмица, но клубот има можност да го откупи неговиотдоколку ги исполни очекувањата во актуелната сезона.