Бранот на банкроти во Германија расте, а бројот на компании што банкротирале е највисок во последните 20 години, според податоците објавени денес од Институтот за економски истражувања Лајбниц во Хале. Вкупно 17.604 германски компании банкротираа во Германија минатата година, што ги надминува бројките забележани за време на големата финансиска криза од 2009 година.

Компаниите од транспортниот, угостителскиот и градежниот сектор беа најтешко погодени, се додава во извештајот. Бројот на стандардни постапки за банкрот во Германија беше за 15,2 проценти поголем во декември отколку во истиот месец претходната година, што е забрзување во однос на зголемувањето од 5,7 проценти во ноември, објави Федералниот завод за статистика на земјата (Дестатис)- пренесе Политика.

Истражувачите ги посочуваат причините за порастот како продолжените ефекти од пандемијата и високите каматни стапки, што им го отежнува работењето на компаниите уште повеќе. Меѓу најновите примери на банкротирани компании се соларниот концерн „Мејер Бургер“ и продавачот на кревети „МФО“, објавува „Виершафтсвое“.