Како што известува првиот човек на Федерацијата на гимнастички спортови на Македонија, Љупчо Арнаудов, Рејчел Стојанов во ритмичка гимнастика е кандидат за настап на наредните Летни олимписки игри во Токио 2020.

На денешниот состанок на МОК се избрани шест спортисти, по три во машка и женска конкуренција кои ќе бидат предложени до меѓународниот олимписки комитет за добивање на прво на учество на Игрите во Токио 2020 година.

За првпат во историјата на македонската гимнастика имаме наш претставник – Охридскиот бисер Рејчел Стојанов е олимписки кандидат.

– Макотрпната работа под будното око на најтрофејниот светски тренер, Нешка Робева почнува да ги дава своите резултати – напиша Арнаудов на Фејсбук.

Претходно настапот на ЛОИ 2020 го обезбеди борачот Могамедгаџи Нуров после освојувањето на бронзениот медал на Светското првенство во Казахстан.