Рецепт за печени компири со сланина, со сочен фил
Компирот со сланина печен во рерна има крцкава кора однадвор, а однатре е мек и сочен. Полнетиот компир со сланина, печен во рерна се филува со павлака, сирење и ароматичен зеленчук, a сигурно ќе vi стане една од најомилените закуски. Еве како да го направите:
Состојки:
– 4 големи компири
– 30 г путер
– 30 г кисела павлака
– 30 г свежо сечкан власец
– 90 г сечкан кашкавал
– 6 парчиња крцкава сланина, иситнета
– прстофат оригано
– сол и бибер по вкус
Подготовка:
Прво загрејте ја рерната на 200 степени. Компирите избоцкајте ги со вилушка или со остар нож и добро завиткајте ги во фолија. Печете додека нè омекнат, околу 1 час.
Одвиткајте ги компирите и исечете ги процепите по должина на горниот дел. Од средината на секој компир внимателно извадете дел од „месото“ и одвојте го во сад, а потоа во тој одвоен дел додадете путер, павлака, власец, половина од кашкавалот и половина од сланината. Зачинете со сол и бибер.
Повторно ставете од филот со лажица во отворот на секој компир. Посипете со преостанатиот кашкавал и вратете во рерна додека не се растопи, околу 5 минути. Одозгора ставете оригано и преостанатата сланина. Уживајте во ароматичниот печен компир со сланина!
