Драмски театар Скопје востанови награда „Горан Стефановски“ за најдобар драмски текст од млад автор
НУ Драмски театар Скопје, на 27 април 2024 година, на денот на роденденот на драмскиот автор Горан Стефановски, ја востанови наградата „Горан Стефановски“ за најдобар драмски текст од млад автор до 30-годишна возраст, кој ќе се избира по пат на јавен конкурс.
Преку овој чин се оддава почит и се чува споменот за Горан Стефановски и неговата улога во развојот на македонската драматургија и театар, и воедно се проширува заложбата на Драмски театар Скопје за афирмација на македонските млади автори и македонското драмско писмо.
Стефановски како млад драмски автор со драмските дела „Јане Задрогаз“ и „Диво месо“ во соработка со Драмски театар Скопје постигна успеси за паметење.
За временската рамка во која ќе се одвива конкурсот и пропозициите од истиот, јавноста ќе биде дополнително информирана.
Драмски театар Скопје ќе партиципира и во Фондацијата „Горан Стефановски“, основана со одлука на УКИМ под иницијатива на Факултетот за драмски уметности. И ќе земе активно учество во реализацијата на програмските активности на истата.