Реал Мадрид обезбеди пласман на завршниот турнир во Евролигата, откако во четвртиот дуел од серијата го совлада Хапоел Тел Авив со 87-81 и ја потврди својата доминација.

„Кралевите“ до победата стигнаа по израмнето прво полувреме, во кое двете екипи водеа жестока битка на паркетот. Реал ја доби воведната четвртина со 23-21, а клучната предност ја создаде во финишот на вториот период, кога се одлепи на 46-36.

Израелскиот тим во второто полувреме се обиде да направи пресврт и во неколку наврати сериозно се закани, но шпанскиот гигант успеа да ја задржи контролата и рутински да го приведе мечот до крај.

Најефикасен во редовите на Реал Мадрид беше Гаруба со 16 поени, додека кај Хапоел Тел Авив се истакна Отуру со 29 поени.

ГАЛЕРИЈА | Вардарово славје во Скопје, Пелистер изгоре во скопскиот вулкан

Хаос во српското ватерполо – се повлече речиси цела репрезентација