Здравствените работници велат дека интересот на работодавачите за превентивни прегледи за нивните вработени e тренд кој за среќа оди во нагорна линија. Имаме голем број на прегледани вработени како во јавниот сектор така и во приватните фирми, посебно во областа на градежништвото, вели доктор Кадри Кадриу.

„Ние по прегледите подготвуваме документација за здравствената состојба на вработените. Овие прегледи се вршат според Закон за безбедност и здравје при работа. Имаме периодични прегледи и систематски прегледи. Овие прегледи според степенот на ризикот се вршат за работни места со низок, умерен и висок ризик. Кај вработените со низок ризик, прегледите се вршат само со лабараториски миниум, преглед на очи, уши, бели дробови и слично“, вели доктор Кадриу.

За зголемениот интерес за вадење сертификати се клучни два фактори зголемената свест кај работодавци, но и зачестените контроли на трудовата инспекција во нивните фирми.

„Досегашните прегледи покажуваат дека здравствената состојба е на повисоко ниво. Имаме и ретки случаи каде имаме и лица со хендикеп за кое не даваме дозвола за работа има и некои појави психички кои делуваат на здравствената состојба на вработените. За големиот интерес за вадење на сертификати за Здравје и безбедност при работа улога играат и контролите од инспекциските служби односно трудовата инспекција, но и свесноста на работодавачите кои секоја година доаѓаат сами и покажуваат интерес за здравјето на нивните вработени. Но, факт е дека инспекцијата ја врши својата работа,“ вели доктор Кадриу.

Сертификатите за Здравје и безбедност при работа треба да ги извадат сите претпријатие без разлика колкав е ризикот на работните места на нивните вработени, додава доктор Кадриу.