Течноста добиена со ферментација на зелката при киселњето се користи во исхраната на Балканот уште од одамна, првенствено како лек за мамурлак.

Традиционално, расолницата се пие во зима бидејќи е „тогаш е времето“ и во многу домови се препорачува како народен лек против мамурлак во текот на празниците.

Но, расолницата добива сè поголемо внимание поради нејзините потенцијални здравствени придобивки.

Ја нарекуваат природен пробиотик

Расолницата содржи корисни бактерии на млечната киселина кои имаат корисен ефект врз цревната флора. Редовната, умерена консумација може да придонесе за подобро варење, зајакнување на имунитетот и рамнотежа на дигестивниот систем.

Рудник на витамини и минерали

Како и киселата зелка, расолницата содржи витамин Ц, витамини од Б-комплексот, калиум, магнезиум и железо. Витаминот Ц придонесува за зајакнување на имунитетот, додека минералите помагаат во регулирањето на електролитите во телото.

Меѓутоа, она што е посебно е уделот на витаминот Б, односно присуството на витамин Б12. Ова е затоа што витаминот Б12 ретко се наоѓа во зеленчукот. Во ферментираната храна, се претпоставува дека го произведуваат бактериите на млечната киселина. Тоа е добра работа, витаминот Б12 е неопходен за многу метаболички процеси – вклучувајќи го формирањето на црвени крвни зрнца, клеточната детоксикација, производството на енергија и формирањето на миелинската обвивка (заштитниот слој на нервите).

Хидратација и надомест на електролитите

Поради високата содржина на натриум и течности, расолницата често се користи за брзо надоместување на електролити, особено по физички напор или консумирање алкохол.

Можен позитивен ефект врз метаболизмот

Ферментираната храна може да има корисни ефекти врз метаболизмот и регулирањето на шеќерот во крвта, иако овие тврдења бараат дополнителни научни истражувања.

Ниска калорична вредност

Расолницата има мошне малку калории, што ја прави соодветен пијалак за луѓе кои внимаваат на својата телесна тежина.

Недостатоци и ризици од пиењето расолница

Висока содржина на сол

За да се закисели зелка, покрај вода, мора да се додаде сол, а токму ова е најголемиот недостаток на расолницата – голема количина на натриум. Прекумерното пиење расолница може да придонесе за висок крвен притисок, задржување на течности и оптоварување на бубрезите.

Овие луѓе треба да ја избегнуваат

Луѓето кои страдаат од хипертензија (висок крвен притисок), болести на бубрезите, срцеви заболувања или гастритис треба да го ограничат или избегнуваат консумирањето на расолница, освен со совет на лекар.

Колку расолница се препорачува да се пие?

Експертите советуваат умереност – чаша расолница (100-200 мл) повремено може да има позитивен ефект, но не треба да стане секојдневна навика, особено за луѓе со здравствени ограничувања.

Расолницата или како што би рекле странците „здрав сок од зелка“ се добива на два начина: како „бонус“ кога зелката ќе се закисели или може да се подготви од сечкана свежа зелка на која се додава вода и се остава да ферментира 4-5 дена.

Кога се киселела зелката во големи количини, нашите баби додавале и неколку главици црвена, за саламурата да има „поубава боја“.

Расолницата не треба да се загрева, го губи своето пробиотско дејство

Расолницата обично е ладна бидејќи садовите во кои се кисели зелката се чуваат на ладно место.

За да има добар ефект, расолницата треба да се пие ладна, во случај да се загрее, ги губи не само ензимите и витамините чувствителни на топлина, туку и вредните бактерии на млечната киселина и пробиотското дејство, објави порталот gruenesmoothies.eu.