Раперот Лил Вејн обвинет за поседување оружје, му се заканува затворска казна од 10 години
Судот во американската сојузна држава Флорида, покрена обвинение против раперот Лил Вејн за поседување огнено оружје пронајдено минатата година и му се заканува казна затвор од десет години.
Кај пејачот на хитот „Lollipop“ минатата година при претрес на неговиот приватен авион било пронајдено оружје со муниција.
Раперот, чие вистинско име е Двејн Мајкл Картер (38) и пред десет години беше осуден за поседување оружје. Според законите во Америка, на осудените за поседување оружје им е забрането до крајот на животот да поседуваат оружје.
Странските медиуми објавија дека музичарот, кој има куќа во Јужна Флорида, признал дека позлатениот пиштол пронајден во неговиот багаж е во негова сопственост. Пиштолот, наводно, го добил како подарок за Денот на таткото.
За време на претресот, полиција покрај пиштолот пронашла и неколку видови наркотици како кокаин, екстази и хероин, како и 25.000 американски долари.
Судењето на раперот треба да започне на 11 декември оваа година.
Лил Вејн има освоено пет музички награди „Grammy“, а пред претседателските избори во Америка, тој се се појавуваше во јавноста покрај Доналд Трамп.