На почетокот на новата година, на 3. јануари Ракометната федерација на Македонија ќе организира вистински спектакл како одбележување на 30 години од формирањето на машката репрезентација, но тоа ќе биде и натпревар во кој ќе се поздрават легендите кои се збогуваа од националниот дрес.

Натпреварот ќе се одигра во време на подготовките за Светското првенство во 2023 година и сигурно дека ова се очекува да биде вистински магнет за сите ракометни фанови.

Во репрезентативна пензија достојно ќе бидат испратени Кире Лазаров, Стојначе Стоилов и уште неколку ракометари кои оставија длабока трага во националниот дрес.

Репрезентациите од клупата ќе ги водат Илија Темелковски и Ѕвонко Шундовски, најуспешните селектори на Македонија. Иако станува збор за ревијален натпревар, сепак ова може да послужи и како подготовка за репрезентативците кои истиот месец ги очекува Светското првенство.