Македонската ракометна репрезентација на последната контрола пред настапот на Европското првенство ја совладаа Црна Гора со 25:24,а според прикажаното, селекторот Брестовац може да биде задоволен од прикажаната игра на неговите избраници.

Ракометарите и на втората контрола во Словенија, настапија без капитенот Кире Лазаров. Првото полувреме помина во израмнета игра во која на пауза се замина со минимална предност на Црна Гора од 12:13.

Израмнета игра беше главната одлика на второто полувреме но овој пат со среќен крај на Македонија за конечни 25:24.

Дејан Манасков и Филип Талески постигнаа по пет гола, додека на голот блескаше Никола Митревски со 14 одбрани.

Ракометарите во Словенија ќе ги поминат и наредните неколку дена, и на 8 јануари заминуваат за Виена каде на 10 јануари ги очекува натпреварот од првото коло против Украина.