Ракометарите против Србија ќе играат за бронзата на Медитеранските игри

Фото: rukometni savez srbije

Ракометната репрезентација на Македонија ќе игра против Србија во натпреварот за третото место на Медитеранските игри што се играат во Оран, Алжир.

Селекцијата на Србија вечерва во второто полуфинале на Медитеранските игри загуби од Шпанија со 42:38.

Првото полувреме заврши со предност од еден гол за Шпанија (22:21), а во второто полувреме „фуријата“ одлучувачката предност ја направи во последните 15-тина минути.

Натпреварот за третото место меѓу Македонија и Србија ќе се игра в среда со почеток од 12.часот, додека во финалето ќе се сретнат селекциите на Шпанија и Египет.

Видео на денот