Рафа Бенитез повеќе не е тренер на Селта Виго
Рафаел Бенитез официјално повеќе не е тренер на Селта Виго, објавија денеска од шпанскиот фудбалски клуб.
Прекинот на соработката доаѓа по поразот на Селта на гости кај Реал Мадрид со 4:0 во шпанската „Ла Лига“.
Во моментов тимот од Виго е на 17 место на табелата во првенството со 24 бода, два повеќе од Кадиз кој е во зоната за испаѓање.
Бенитез на почетокот на оваа сезона седна на клупата на Селта. Шпанецот во текот на кариерата раководеше со голем број клубови, а најголемиот успех го постигна со Ливерпул.
Со „црвените“ ја освои Лигата на шампионите во сезоната 2004/2005, додека со Валенсија два пати беше првак на Шпанија, а стигна и до трофејот во тогашниот Куп на УЕФА (сегашна Лига Европа).
𝗢𝗙𝗜𝗖𝗜𝗔𝗟 📣 Rafa Benítez y el RC Celta separan sus caminos.
Nuestro más sincero agradecimiento a @rafabenitezweb y su cuerpo técnico por la implicación, honestidad y profesionalidad que han mostrado desde su llegada al club.
¡Mucha suerte y éxito en el futuro!
— RC Celta (@RCCelta) March 12, 2024