Македонија сама се стопира на патот кон Европската Унија, бидејќи не сака да ги исполни критериумите за членство, порача бугарскиот петседател Румен Радев од Хрватска, каде денеска е во официјална посета.

Тој нагласи дека Бугарија нема да се повлече од заштитата на правата на Бугарите кои живеат во Македонија.

„Ние сè уште чекаме РСМ да исполни еден јасно напишан услов кој ќе ја отвори вратата за почетокот на преговорите. А тоа е гарантирање еднаквост на Бугарите во оваа земја преку нивното вклучување во Уставот заедно со другите народи кои ја формираат државата”, изјави Радев, пренесува БГНЕС.

Бугарскиот претседател нагласи дека Бугарија нема да наметне никакви нови услови надвор од веќе договорените.

„Но ние инсистираме да се почитува се што е договорено”, рече Радев за време на прес-конференцијата со неговиот домаќин, хрватскиот претседател Зоран Милановиќ.