Путин постхумно го одликува блогерот-пропагандист Татарски, убиен во нападот со бомба во Санкт Петербург
Рускиот претседател Владимир Путин денеска постхумно го одликува воениот блогер кој вчера беше убиен во бомбашки напад во кафуле во Санкт Петербург, за кој официјална Москва ги обвини Украина и „агентите“ на опозицискиот лидер Алексеј Навални.
„Орденот за храброст му беше доделен на Владлен Татарски (вистинско име Максим Формин) за „храброста и смелоста што ја покажа во извршувањето на неговите професионални должности“, се наведува во декретот објавен на сајтот на Кремљ.
Покрај Татарски во вчерашната експлозија во кафулето во центарот на Санкт Петербург беа повредени уште 25 лица.
Update…
Vladlen Tatarsky, a Russian military journalist, has been killed in an explosion in a cafe in central St Petersburg. The cafe used to belong to Yevgeny Prigozhin, the owner of the Wagner Group Private Military Company.Source: TASS; Fontanka; RIA Novosti pic.twitter.com/Ncew2maYAZ
— Ukrainian News24 (@UkrainianNews24) April 2, 2023
Руските власти синоќа соопштија дека ја уапсиле младата Дарија Трепова, главна осомничена за нападот врз блогерот.
Русија денеска го обвини Киев дека го организирал нападот во Санкт Петербург во кој беше убиен воениот блогер и поддржувач на офанзивата против Украина со соучесништво на приврзаниците на притворениот руски опозициски лидер Алексеј Навални.
„Утврдено е дека терористичкиот акт, извршен на 2 април во Санкт Петербург, бил планиран од украинските специјални служби“, соопшти рускиот антитерористички комитет.
Украинците негираа каква било вмешаност во нападот.
Тимот што го поддржува затворениот руски опозиционер Алексеј Навални ги отфрли обвинувањата на руските власти дека личноста осомничена за убиство на блогерот-пропагандист Вледлен Татарски е поврзана со Навални, инсистирајќи дека зад убиството стои руската тајна служба, пренесе „Си-ен-ен“.
Руската тајна служба го ликвидирала пропагандистот Татарски, велат од тимот на Навални