Во пресрет на официјалната посета на Кина, рускиот претседател Владимир Путин оцени дека односите меѓу Москва и Пекинг се на „фантастично ниво“ и дека станува збор за стратешко партнерство изградено врз доверба, рамноправност и заеднички ставови за глобалната стабилност, мирот и мултиполарниот свет, пренесе Xinhua.

Путин истакна дека редовните меѓусебни посети и разговорите на највисоко ниво се значаен дел од напорите за развој на целокупните односи меѓу двете земји.

„Редовните меѓусебни посети и одржувањето руско-кинески разговори на највисоко ниво се важен и неразделен дел од нашите заеднички напори за развој на целокупниот спектар односи меѓу двете земји и за отклучување на нивниот навистина неограничен потенцијал“, изјави Путин.

Тој потсети дека пред 25 години Русија и Кина го потпишале Договорот за добрососедство, пријателство и соработка, кој, според него, поставил цврста основа за вистинска стратешка соработка и сеопфатно партнерство во корист на двете држави и нивните народи.

„Денес руско-кинеските односи достигнаа навистина фантастично ниво. Нивниот посебен карактер се огледува во атмосферата на меѓусебно разбирање и доверба, подготвеноста за соработка врз заемно корисни и рамноправни основи, водење дијалог со почит и меѓусебна поддршка за прашања што се од суштински интерес за двете земји, вклучително и заштитата на суверенитетот и државното единство“, нагласи Путин.

Официјалната посета на рускиот претседател на Пекинг ќе трае денеска и утре.

Помошникот на рускиот претседател, Јуриј Ушаков, најави дека лидерите ќе разговараат за најважните и најчувствителните прашања во билатералните односи. Меѓу темите ќе биде и детална дискусија за соработката во испораката на јаглеводороди.

Советници на Трамп по посетата на Кина: Напад врз Тајван во следните 5 години