Пукање во болница во Вирџинија
Едно лице е тешко рането во болница во американската сојузна држава Вирџинија кога маж кој дошол на психијатриска проценка, почнал да пука.
Началникот на полицијата во Ричмонд, Рик Едвардс, изјави за новинарите дека повикот до полицијата дошол околу 04:00 часот по локално време, кога се слушнале истрели во болницата Чипенхем, пренесе АП.
Полицајците кои пристигнале во болницата пронашле маж со сериозни прострелни рани, но неговиот живот не бил во опасност.
Едвардс откри дека полицаец од блискиот Честерфилд, кој случајно се нашол во болницата, возвратил за време на инцидентот, но дека осомничениот не бил повреден.
Осомничениот, 27-годишен маж од Глен Ален, се предал и бил приведен. Мотивот за пукањето засега не е познат.