Поранешниот фудбалер на Ренова и Шкендија и поранешен најдобар стрелец во македонската прва лига, Изаир Емини, експресно се опорави во коронавирусот и тоа за неполна недела.

Емини минатата недела објави дека е позитивен на ковид-19 по што замина во самоизолација,  а денешниот тест покажа дека тој повеќе не е позитивен на опасниот вирус.

„Сакам да се заблагодарам на сите кои ми дававте поддршка во овој период, секогаш ќе бидам благодарен за тоа. Пред два дена имав уште еден тест кој се покажа како негативен. Ви благодарам уште еднаш на сите и бог да ве чува“, напиша Емини на социјалните мрежи.

Емини настапува за косовскиот тим Дрита, а покрај Ренова и Шкендија има настапувано и за албанскиот тим Кукс.